pdm-announce-to-not-attend-national-assembly-session

اعتماد ووٹ، پی ڈی ایم کا قومی اسمبلی کے اجلاس میں‌ شرکت کے حوالے سے بڑا فیصلہ

اسلام آباد: اپوزیشن جماعتوں کے اتحاد نے کل قومی اسمبلی کے اجلاس میں شرکت نہ کرنے کا فیصلہ کرلیا۔

پاکستان ڈیموکریٹک موؤمنٹ (پی ڈی ایم) نے کل بلائے جانے والے قومی اسمبلی کے اجلاس کے بائیکاٹ کا اعلان کردیا۔

میڈیا سے گفتگو کرتے ہوئے مولانا فضل الرحمان کا کہنا تھا کہ ’پی ڈی ایم میں شامل جماعتوں نے اپنے اراکین کو اجلاس میں شرکت سے روک دیا ہے، اپوزیشن جماعتوں کے اراکین کل اجلاس میں شریک نہیں ہوں گے‘۔

اُن کا کہنا تھا کہ ’اپوزیشن کی اجلاس میں عدم شرکت پر اسمبلی اجلاس کی اہمیت ہی ختم ہوجائے گی، جس طرح حکومت کررہے ہیں اُسی طرح اجلاس بھی کرلیں‘۔

واضح رہے کہ وزیراعظم عمران خان نے سینیٹ الیکشن کے بعد قومی اسمبلی کے اراکین سے اعتماد کا ووٹ لینے کا اعلان کیا ہے، اس حوالے سے کل قومی اسمبلی کا اجلاس طلب کیا گیا ہے۔

قومی اسمبلی اجلاس کےلیے حکومت اور اتحادی جماعتوں نے حکمت عملی مرتب کرلی ہے، جس کے تحت ارکان کو اجلاس سے قبل پارلیمنٹ ہاؤس پہنچنے کی ہدایت کی گئی ہے۔

ذرائع کے مطابق تحریک انصاف اور اتحادی جماعتوں کے اراکین لابی میں اکھٹے ہوں گے، اراکین اسمبلی کو پلے کارڈز ساتھ میں لانے کی ہدایت بھی کی گئی ہے۔ حکمراں جماعت کی جانب سے کل اراکین کے لیے ناشتے کا اہتمام بھی کیا جائے گا۔

اس خبر پر اپنی رائے کا اظہار کریں

اپنا تبصرہ بھیجیں