maryam-nawaz-pdm-yousuf-raza-gilani

یوسف رضا گیلانی کی جیت پر مریم نواز کا ردعمل

لاہور : سینیٹ انتخابات میں سابق وزیراعظم سید یوسف رضا گیلانی کی کامیابی پر مسلم لیگ ن کی نائب صدر مریم نواز نے اپنے رد عمل کا اظہار کردیا۔

سماجی رابطے کی ویب سائٹ ٹوئٹر پر اپنے پیغام میں خاتون ن لیگی رہنما نے کہا کہ اللہ کا شکر جس نے پی ڈی ایم کو فتح دی۔ جعلی مینڈیٹ عوام کے نمائندوں نے واپس چھین لیا۔

اپنے پیغام میں ان کا کہنا تھا کہ اپنے ہی لوگوں نے دباؤ کے باوجود آٹا چور اور چینی چور کو ووٹ دینے سے انکار کیا، آپ کے پاس اب وزیر اعظم ہاؤس پر قابض رہنے کا جواز نہیں۔

واضح رہے کہ سینیٹ الیکشن میں حفیظ شیخ کے پولنگ ‏ایجنٹ نے دوبارہ گنتی کی درخواست دی تھی جسے ریٹرننگ افسر نے منظور کرتے ہوئے دوبارہ گنتی کروائی، جس میں یوسف رضا گیلانی نے پانچ ووٹوں کی برتری حاصل کی اور فاتح قرار پائے۔

قومی اسمبلی میں7 ووٹ گنتی کے بعد الگ کر دیئے گئے تھے بعد ازاں ان ووٹوں کو ضائع ‏قرار دے دیا گیا۔

اس خبر پر اپنی رائے کا اظہار کریں

اپنا تبصرہ بھیجیں