extension-of-lockdown-period-in-punjab-important-announcements

پنجاب میں لاک ڈاؤن کی مدت میں توسیع، اہم اعلانات

حکومت پنجاب نے کورونا وبا کے تناظر میں لگائے گئے لاک ڈاؤن کی مدت میں 15 جون تک ‏توسیع کر دی۔

محکمہ صحت پنجاب نے نوٹیفیکیشن جاری کرتے ہوئے بتایا کہ لاک ڈاون 20 مئی سے 15 جون ‏تک نافذ العمل رہے گا۔ نوٹیفیکیشن کے مطابق تمام مارکیٹس کے کاروباری اوقات رات 8 بجے تک ہوں گے، ہفتہ اور اتوار ‏چھٹی کے دن ہوں گے اور تمام کاوبار ی سرگرمیوں پر مکمل پابندی ہوگی۔

تمام میڈیکل سروسز، فارمیسیز، مراکز صحت، ویکسینیشن سینٹر، پیٹرول پمپ، تندور، ڈیری شاپس، ‏فوڈڈلیوری اینڈ ای کامرس سروسز 24 گھنٹے کھلے رہیں گے۔

کورئیر اینڈ پوسٹل سروسز، بجلی، گیس، انٹرنیٹ، سیلولر اینڈ ٹیلی کام کمپنیز، کال سینٹرز اورمیڈیا ‏ہاوسز، آٹو ورکشاپس، آئل ڈپو اور تمام قسم کی منڈیوں ( سبزی، پھل،اناج اور مویشی) کو ہفتہ ‏کے 7 دن 24 گھنٹے کھلے رکھنے کی اجازت ہو گی۔

تمام انڈور اور آوٹ ڈور ریسٹورنٹس پر مکمل پابندی عائد ہو گی صرف ٹیک آویز کی اجازت ہو گی۔ ‏‏24 اپریل کےرات 12 بجے سے تمام ریسٹورنٹس میں ان ڈور ڈائننگ پرپابندی برقرار رہے گی جبکہ ‏آوٹ ڈور ڈائننگ، فوڈ کوٹس اور ٹیک آویز کی اجازت ہو گی۔

نوٹیفکیشن کے مطابق پنجاب بھر میں تمام انڈور شادی کی تقریبات، ریسٹورینٹس کمیونٹی سینٹرز ‏اور مارکیز پرمکمل پابندی عائد ہوگی تاہم یکم جون سے 150 افراد کی گنجائش کے ساتھ آوٹ ڈور ‏شادی کی تقریبات کی اجازت ہو گی۔

صوبہ بھر میں تمام تفریحی پارکس پر مکمل پابندی ہو گی ، جاگنگ ٹریکس کھلے رہیں گے۔ تمام ‏مزارات اور درباروں پرمکمل پابندی عائد ہوگی۔ تمام سرکاری اور نجی دفاتر کو 50 فیصد سٹاف کے ‏ساتھ کام کرنے کی اجازت ہو گی۔

تمام سینما ہالز اور تھیٹر بدستور بند رہیں گے۔ہر قسم کی کانٹیکٹ سپورٹس پر پابندی ہو گی۔اس ‏پابندی میں کرکٹ، گالف، ٹینس اور بیڈمینٹن شامل نہیں، ثقافتی تہوار اور اجتماعات پر مکمل ‏پابندی عائدہو گی۔

تمام بین الصوبائی اور شہروں کے درمیان اور اندر چلنے والی ٹرانسپورٹ کو 50 فیصد گنجائش کے ‏ساتھ چلنے کی اجازت ہو گی۔ 22 مئی سے تمام بین الصوبائی ٹرانسپوٹ ہفتہ کے 2 دن ( ہفتہ ، ‏اتوار) مکمل بند رہے گی۔

مال بردار گاڑیوں ، ایمبولینسز، طبی شعبے سے وابستہ گاڑیوں کو استثنیٰ حاصل ہے۔ ٹرین سروس ‏کل گنجائش کے70 فیصد مسافروں کے ساتھ جاری رہے گی۔صعنت اور زراعت کے شعبے کو ‏استثنیٰ حاصل ہو گا۔ ‏

ضلعی انتظامیہ اور پولیس مل کر ان ایس او پیز کا اطلاق یقینی بنائیں گے، تمام شہری ما سک کی ‏پوری طرح پابندی کریں گے۔

اس خبر پر اپنی رائے کا اظہار کریں

اپنا تبصرہ بھیجیں