لاہور ویسٹ مینجمنٹ کمپنی کو 246 نئی گاڑیاں مل گئیں 1

لاہور ویسٹ مینجمنٹ کمپنی کو 246 نئی گاڑیاں مل گئیں

لاہور ویسٹ مینجمنٹ کمپنی کو صفائی آپریشن کیلئے 246 نئی گاڑیاں مل گئیں، صوبائی وزیر ڈاکٹر یاسمین راشد کا کہنا ہے کہ 10 دنوں میں صفائی کی صورتحال میں واضح بہتری نظر آئے گی۔

ایل ڈبلیو ایم سی کے فلیٹ میں 246 نئی گاڑیوں کا اضافہ ہو گیا، اس موقع پر تقریب کا انعقاد کیا گیا جس میں صوبائی وزیر ڈاکٹر یاسمین راشد نے خصوصی شرکت کی۔ انہوں نے امید ظاہر کی کہ جدید مشینری اور وسائل کی فراہمی سے ایل ڈبلیو ایم سی کی کارکردگی میں واضح بہتری آئے گی اور شہر دوبارہ صاف ستھرا ہو جائے گا.
تقریب سے خطاب میں صوبائی وزیر نے اپنی توپوں کا رخ شریف خاندان کی طرف موڑ دیا، بولے سب سے بڑا کرپٹ لیڈر نوازشریف تھا، شہباز شریف خاندان سے الگ نہیں، سارے خاندان نے جو لوٹ مار کی ہے، اس کا سب کو پتہ ہے۔ صوبائی وزیر نے مزید کہا کہ ماضی کے حکمرانوں نے لوٹ مار زیادہ اور کام کم کیا جس کی وجہ سے مسائل کا سامنا رہا۔

دوسری جانب راوی اربن ڈویلپمنٹ اتھارٹی نے پنجاب حکومت سے 24 نئی گاڑیاں مانگ لیں، 16 گاڑیاں افسروں کو دی جائیں گی جبکہ 6 گاڑیاں آپریشنل مقاصد کیلئے استعمال ہوں گی۔ راوی اربن ڈویلپمنٹ اتھارٹی نے سمری بھجوا دی۔ روڈا کی یہ سمری محکمہ خزانہ میں پہنچ گئی ہے، محکمہ خزانہ مالی صورتحال کا جائزہ لینے کے بعد سمری کی منظوری کا فیصلہ کرے گا۔

اس خبر پر اپنی رائے کا اظہار کریں

اپنا تبصرہ بھیجیں