after-leaving-the-country-ashraf-ghani-made-an-important-statement

ملک چھوڑنے کے بعد اشرف غنی کا اہم بیان آگیا

طالبان کے کابل پر قبضے کرنے کے بعد ملک چھوڑنے والے اشرف غنی کا پہلا بیان سامنے آ گیا۔

سوشل میڈیا پر جاری بیان میں اشرف غنی نے بیرون ملک جانے کی وجہ بتاتے ہوئے کہا کہ کابل ‏میں خونی سیلاب روکنےکیلئےافغانستان چھوڑا۔

انہوں نے کہا کہ اگر میں ملک میں رہتا تو لاتعداد محب وطن شہری شہید ہو جاتے اور کابل تباہ ‏ہو جاتا، بڑی انسانی تباہی ہوتی۔

اشرف غنی نے کہا کہ میں نے افغانستان کے تحفظ اور دیکھ بھال کے لیے 20 سال وقف کیے ہیں ‏اپنے پیارے ملک کو چھوڑنے کا مشکل فیصلہ کیا ہے۔

طالبان کا صدارتی محل پر قبضہ
افغان و برطانوی میڈیا کے مطابق تھوڑی دیر قبل عہدہ صدارت سے مستعفی ہونے والے افغان صدر ‏اشرف غنی افغانستان چھوڑ چکے ہیں اور وہ تاجکستان پہنچ گئے ہیں۔

تاجک میڈیا نےبھی اشرف غنی کی آمد کی تصدیق کردی ہے، تاجک میڈیا کے مطابق اشرف غنی کے ‏ساتھ حمداللہ محب اورصدارتی آفس کےڈی جی بھی تاجکستان پہنچ چکے ہیں۔

افغان حکومت کے چیف ایگزیکٹو عبداللہ عبداللہ نے بھی اشرف غنی نےافغانستان چھوڑنے کی ‏تصدیق کرتے ہوئے کہا کہ افغانستان کےعوام پرسکون رہیں۔

اس خبر پر اپنی رائے کا اظہار کریں

اپنا تبصرہ بھیجیں