کراچی: پاکستان سپر لیگ 7 کے پانچویں میچ کے دوران آسٹریلوی کرکٹر بین کٹنگ اور ان کی اہلیہ ایرن ہالینڈ نے شائقین کی توجہ حاصل کرلی۔
ہوا کچھ یوں کہ پشاور زلمی اور اسلام آباد یونائیٹڈ کے مابین میچ کے دوران آسٹریلوی کرکٹر بین کٹنگ اور ایرن ہالینڈ
باؤنڈری پر گفتگو کر رہے تھے کہ اس دوران ایرن نے اپنے شوہر کو سالگرہ کی مبارکباد پیش کی
ایرن نے پاکستانی لباس پہن رکھا تھا، انہوں نے مائیک میں بین کٹنگ کے لیے “ہپی برتھ ڈے ٹو یو” گایا جس کی ویڈیو کچھ ہی لمحوں میں وائرل ہوگئی۔
ایرن ہالینڈ نے اسلام آباد یونائیٹڈ کے کھلاڑی بین کٹنگ کو میچ کے دوران سالگرہ کی مبارکباد دے کر اس لمحے کو یادگار بنا دیا۔
ویڈیو کو ہزاروں صارفین کی جانب سے نہ صرف پسند کیا گیا بلکہ لوگوں نے مہمان جوڑے کے لیے نیک خواہشات کا اظہار بھی کیا۔ صارفین نے بین کٹنگ کو مبارکباد پیش کی ۔
بین کٹنگ 1987 میں آسٹریلیا کے شہر سنی بینک میں پیدا ہوئے اور آج ان کی 35ویں سالگرہ ہے
