انتظار کی گھڑیاں ختم: ایشیا کپ کے انعقاد کا اعلان

انتظار کی گھڑیاں ختم: ایشیا کپ کے انعقاد کا اعلان

کولمبو: کرکٹ شائقین کے لئے بڑی خبر ہے کہ رواں سال وہ کرکٹ کے دو میگا ایونٹ سے لطف اندوز ہونگے۔

تفصیلات کے مطابق ایشین کرکٹ کونسل نے رواں سال ایشیا کپ کرانے کی منظوری دے دی ہے، اس بات کا فیصلہ بورڈ کی اہم ترین میٹنگ میں کیا گیا۔

اے سی سی کی جانب سے جاری بیان میں بتایا گیا کہ رواں سال ٹورنامنٹ 27 اگست سے 11 ستمبر تک کھیلا جائے گا، ٹورنامنٹ کا فارمیٹ ٹی ٹوئنٹی ہوگا۔

The Asia Cup 2022 (T20 Format) will be held in Sri Lanka from 27 August – 11 September later this year. The Qualifiers for the same will be played 20 August 2022 onwards.

— AsianCricketCouncil (@ACCMedia1) March 19, 2022

ایشین کرکٹ کونسل کے مطابق ٹورنامنٹ کے کوالیفائر میچز کا آغاز 20 اگست سے ہوگا۔

واضح رہے کہ ایشیا کپ ٹورنامنٹ کا انعقاد ہر دو سال بعد کیا جاتا ہے، سال دو ہزار بیس میں ی گورننگ باڈی ایشین کرکٹ کونسل (اے سی سی) نے عالمی وبا کرونا کے باعث ٹورنامنٹ منسوخ کردیا تھا۔

سال دوہزار اکیس میں ٹورنامنٹ کے آغاز کے لئے سری لنکا کے وینیو کا انتخاب کیا گیا تاہم اس بار بھی کرونا وائرس نے منتظمین کی امیدوں پر پانی پھیرا۔

بھارتی کرکٹ ٹیم ایشیا کپ کی تاریخ کی سب سے کامیاب ٹیم رہی ہے، جس نے 14 ایڈیشنز میں سے 7 بار اسے اپنے نام کیا، پانچ بار سری لنکا نے ایشیا کپ کی ٹرافی اٹھائی جبکہ پاکستان صرف دو بار یہ اعزاز اپنے نام کرسکا ۔