saudi-arabia-volcanoes-erupt-see-incredible-scenery

سعودی عرب: آتش فشاں پہاڑ پر ژالہ باری، ناقابل یقین منظر دیکھیں

ریاض: سعودی شہر حائل میں آتش فشاں پہاڑ(حرۃ بنی رشید) پر ژالہ باری کے منظر نے سب کو حیران کردیا۔

غیرملکی خبررساں ادارے کی رپورٹ کے مطابق حرۃ بنی رشید، مدینہ منورہ کے شمال مشرق میں واقع ہے جہاں سیاہ آتش فشاں پر ہونے والی ژالہ باری کے مناظر کو ابو فیصل البداح نامی فوٹوگرافر نے کیمرے کی آنکھ سے قید بھی کیا۔

سعودی فوٹوگرافر کی بنائی گئی ویڈیو سوشل میڈیا پر وائرل ہوئی۔ ژالہ باری سے قبل پہاڑ کے اوپر چھائے ہوئے بادل کا منظر عجیب شکل اختیار کیے ہوئے تھا، فضا میں بادلوں کا ایک گھنٹے تک پہرہ رہنے کے بعد آتش فشاں پر ژالہ باری شروع ہوگئی، اتنی زیادہ ژالہ باری اس علاقے میں پہلے کبھی نہیں ہوئی۔

سعودی عرب: آتش فشاں پہاڑ پر ژالہ باری، ناقابل یقین منظر دیکھیں 1

ژالہ باری سے حرۃ بنی رشید کا بڑا علاقہ ایسا منظر پیش کررہا تھا کہ گویا اس نے سفید چارد اوڑھ لی ہے۔

ابوفیصل کا کہنا تھا کہ ژالہ باری کے دوران اس علاقے میں درجہ حرارت کافی حد تک کرگیا تھا، سیاہ زمین سفید رنگ اختیار کرچکی تھی، ایسے عجیب مناظر پہلے کبھی نہیں دیکھے گئے۔

ژالہ باری کے بعد آتش فشاں کے اطراف لوگوں کی بڑی تعداد سیر کے لیے بھی پہنچی۔

اس خبر پر اپنی رائے کا اظہار کریں

اپنا تبصرہ بھیجیں